O xoves 20 de decembro ás 18:00 h e no Edificio Multiusos, nenas e nenos de diferentes centros de ensino interpretarán composicións musicais de Nadal dentro da Mostra de Panxoliñas para Centros de Ensino de Monforte de Lemos organizada pola Delegación Municipal de Cultura. A mostra, que se desenvolve en todas as edicións con grande éxito, chega este ano á súa vixésima convocatoria e ten como fin un ano máis espertar a afección ao canto coral e á música entre os nenos e nenas dos centros de ensino da cidade.