Para facilitar a instalación dos postos das Festas Patronais, o estacionamento do Parques dos Condes permanecerá pechado ao tráfico a partir do día 6 ás 24 h. Como espazos de aparcadoiro alternativos sinálanse as rúas Sarria e Escultor Francisco Moure.
Ademais, coincidindo co desenvolvemento das Festas Patronais, do 11 ao 16 de agosto, prohibirase a circulación de vehículos na zona das festas –rúas Compañía e Escultor Francisco Moure desde o seu inicio até a confluencia da rúa Sarria– entre as 19 horas e a finalización das verbenas.
O acceso á zona de Carude e Reboredo realizarase pola rúa Dalmiro de la Valgoma que se habilitará en dobre sentido.
Igualmente nos días das Festas Patronais, a partir das 24 horas prohibirase o tráfico dos non residentes na rúa Duquesa de Alba en ambos sentidos.
