Comeza a actividade do Programa Deportivo de Verán Concello de Monforte 2018

3 de xullo de 2018. Un total de 125 nenos e nenas gozarán durante a primeira quincena deste mes dun evento multideporte, dirixido a rapaces de entre 5 e 14 anos e que se desenvolve principalmente na área deportiva da Pinguela entre as 10 e as 14 horas.

 

Esta mesma semana comezou a actividade da primeira quincena do Campamento Deportivo de Verán, evento que está incluido dentro da programación deportiva que se oferta dende o Concello de Monforte para os meses de xullo e agosto.

 

Dende que se abriu o prazo de inscricións para as diferentes actividades que forman parte do Programa Deportivo de Verán, a Oficina Municipal de Deportes rexistrou preto de 400 solicitudes de participación, é a mellor cifra de inscritos dos últimos anos e supón a ocupación do 100% das prazas ofertadas nas dúas quincenas do Campamento Deportivo de Verán e no XII Campus de Fútbol Cidade de Monforte.

 

Para as persoas interesadas, cómpre destacar que aínda están abertos os prazos de inscrición, con prazas dispoñibles, para as seguintes actividades:

 

•          IV Depor Campus Monforte

•          Campus de Volei Praia Club Korbis – Club Fluvial

•          V Campus de Voleibol Ribeira Sacra Monforte

•          Cursos de Tenis para o mes de agosto

•          VII Campus de Baloncesto Cidade de Monforte

•          Campus de Ximnasia Rítmica

•          Actividades na Piscina Municipal

 

Para máis información e en inscribirse nalgunha das actividades que forman parte do Programa Deportivo de Verán, as persoas interesadas poden dirixirse ás Oficinas Municipais de Deportes e Xuventude, nas Casitas da Compañía.