O Goberno municipal premia os logros dos deportistas

9 de xullo de 2018. Os deportistas de Monforte colleitan novos éxitos e o Equipo de Goberno quere recoñecer os seus éxitos.

Esta tarde, o Alcalde recibiu a Yolanda Salgado, do Club de Golf Río Cabe, e que se proclamou Campiona de España de Golf na modalidade de Pitch and Putt, o pasado mes de xuño.

 

O mandatario local tamén recoñeceu o traballo de Jairo Salgueiro, que acaba de conseguir dúas medallas, unha de prata en salto de lonxitude e outra de bronce en 200 metros lisos, no Campionato de España Absoluto de Atletismo Adaptado.

José Tomé loou o esforzo e os méritos de ámbolos dous e animounos a seguir conseguindo novos logros.