Clausura do XIV Campus de Fútbol Cidade de Monforte – R.C. Celta de Vigo

Monforte de Lemos, 8 de agosto de 2020. A 1ª Tenente de Alcalde do Concello de Monforte, Gloria Prada, e o Concelleiro de Servizos, José Luis Losada, clausuraron onte a 14ª edición do Campus de Fútbol Cidade de Monforte – R.C. Celta de Vigo no campo Luis Bodegas, clausura na que que fixeron entrega de diplomas e agasallos a todos/as os/as participantes.

Este exitoso Campus, xa consolidado dentro do calendario de actividades deportivas de verán que organiza anualmente o Concello de Monforte, deu comezo o pasado 3 de agosto e contou coa participación dun total de 54 nenos e nenas, con idades comprendidas entre os 7 e os 14 anos.

Esta edición do Campus do Celta, e con motivo da crise sanitaria do COVID – 19, desenvolveuse con menos prazas do habitual e cun protocolo especificamente deseñado para a prevención do COVID-19, o que fixo que o Campus se celebrara con total normalidade e seguridade.

  

Inicio da 3ª quenda do Campamento Deportivo de verán

Do mesmo xeito, onte tamén finalizou a segunda quenda do Campamento Deportivo de verán organizado polo Concello de Monforte. Nela participaron un total de 47 nenos que desfrutaron dun programa lúdico e deportivo moi amplo que tamén contou cun protocolo específico de prevención do COVID-19, o que fixo que a actividade se celebrara con total seguridade e normalidade.

O vindeiro luns día 10 de agosto tócalle o turno ós nenos e nenas matriculados na terceira quenda do Campamento Deportivo de verán.

A través dos seguintes enlaces, pódense descargar diferentes documentos de interese para os participantes na segunda quenda do Campamento Deportivo de Verán:

•   A composición de cada un dos grupos e a instalación asignada:  Composición grupos 3 quenda Campamento Deportivo Verán 2020 Monforte

•   A programación de actividades da terceira quenda:  Programa actividades 3 quenda Campamento Deportivo Verán 2020 Monforte

•   Horario do servizo de transporte:  Horario Transporte Campamento Deportivo Verán 2020 Monforte

•   Protocolo de prevención do COVID-19 establecido:  Protocolo prevención Covid19 Campamento Deportivo Verán 2020 Monforte

•   As normas e recomendacións de participación:  Normas e Recomendacións Campamento Deportivo Verán 2020 Monforte