O Concello de Monforte contará con 12 colectores para a recollida de roupa usada

Monforte de Lemos, 22 de outubro de 2020. O Alcalde de Monforte, José Tomé Roca, ven de asinar o decreto que autoriza á empresa Texlimca S.A. á instalación en vía pública e xestión de colectores destinados á recollida de roupa usada, calzado e restos de produtos téxtiles, definidos na Lista Europea de Residuos (Orde MAM/304/2002, de 8 de febreiro).

Deste xeito, nos vindeiros días a empresa procederá á instalación de 12 colectores téxtiles en diferentes zonas estratéxicas da cidade “para dar así resposta á alta demanda que os monfortinos viñan facendo deste servizo”, sinala a Concelleira de Facenda e 1ª Tenente de Alcalde, Gloria Prada.

A colocación dos colectores téxtiles levarase a cabo baixo a supervisión e indicacións da Concellería de Medio Ambiente e será nas seguintes ubicacións estratéxicas da cidade:

  • Campo San Antonio.
  • Rúa Chantada.
  • Avenida de Galicia.
  • Rúa Estrella.
  • Paseo do Malecón.
  • Praza da Estación.
  • Paseo de Lugo.
  • Estacionamento do Parque dos Condes.
  • Rúa Ourense.
  • Rúa Morín.
  • Rúa Corredoira.
  • A Florida.

O Equipo de Goberno, vista a necesidade de contar con máis puntos de recollida, decidiu ampliar o número de colectores de 10, que eran os que había antes do establecemento deste novo contrato de xestión, a 12 unidades. Os dous novos colectores que se incrementan son o da rúa Corredoira e un novo na Florida, que dende agora contará con dous.

Está previsto que a colocación dos colectores se inicie o vindeiro martes 27 de outubro.

 

Condicións do contrato

A empresa Texlimca, a través deste contrato, quedará suxeita ó seguinte réxime económico:

  • Prezo anual po contenedor: 20€
  • Canon anual (polas 12 unidades): 240,00 €
  • Ademais a empresa deberá realizar campañas propias de sensibilización, valoradas en 1.060 €.

Tamén, Texlimca asumirá os gastos de conservación e mantemento, impostos, taxas e demais tributos, así como a responsabilidade derivada da utilización dos colectores.

O prazo desta autorización para a xestión dos colectores de roupa usada é dun ano prorrogable, por trimestres, ata outro ano. A subrogación deberá, en todo caso, ser autorizada polo Concello de Monforte.

 

Características dos colectores

Os colectores que instalará a empresa para a recollida de téxtiles usados son metálicos e están deseñados especificamente para a recollida téxtil, cun volume útil aproxomado de 2,7 m3. Son ademais colectores adaptados coa boca de entrada na parte posterior para facilitar o depósito da roupa ó cidadán, que poderá acceder ó colector dende a mesma beirarrúa para non ter que bordear o colector pola calzada.

En concreto, son colectores en ferro galvanizado inoxidable dunha sola lama e estrutura ignífuga, con medidas anti-valdálicas. A pintura exterior e os adhesivos de personalización, que incluirán o escudo do Concello de Monforte, están protexidos con barniz antigrafitti.

 

Mantemento e conservación

O mantemento dos colectores, así como da zona de uso público adxacente o colector, serán responsabilidade da empresa adxudicataria.

Os colectores deberán estar en perfecto estado de conservación estética, de seguridade e salubridade. Debendo estar pintados, cos peches e sistemas de seguridade actuando correctamente en todo momento.

O Concello non será responsable en ningún momento do uso ou mal uso que a cidadanía podan darlle os colectores, nin dos desperfectos que estes puideran sufrir por actos vandálicos, incendio u outros. A reparación de calquera desperfecto que se lle fixese a os colectores correrá a cargo desta empresa.

Finalmente, esta autorización de xestión poderá ser revocada unilateralmente polo Concello en calquera momento por razóns de interese público, sen ter que indemnizar por elo á empresa concesionaria do servizo.