Esta web utiliza cookies, puedes ver nuestra la política de cookies, aquí Si continuas navegando estás aceptándola
Política de cookies +
16 - Decembro - 2017  |  6:15:58
Aviso Legal  |  Portada
Web en Galego GALEGO    |    Web en Castellano CASTELLANO    |    English Version ENGLISH

Espectáculos infantís, música e outras actividades culturais para celebrar as festas de Nadal 2017

04/12/2017 - Novas de Monforte

O Concello de Monforte ten preparada unha ampla programación para celebrar as festas de Nadal 2017. Unha delas é o concurso de beléns, no que participan os centros de ensino da cidade. O prazo de presentación dos traballos remata o vindeiro 15 de decembro, e está previsto que o nome dos gañadores se coñeza o luns, 18 de decembro. Por outra parte, os máis pequenos da casa volverán participar un ano máis no xa tradicional certame de poesía infantil, da Biblioteca Municipal.

 

Hai outras citas que marcan a axenda deste Nadal:

 

Concerto de piano de Aida Saco Beiroa. A actuación será na Casa da Cultura o sábado, 16 de decembro, a partir das 20 horas.

 

A 19ª Mostra de panxoliñas para centros de ensino Concello de Monforte, que se celebra o mércores, 20 de decembro ás 18 horas, no Edificio Multiusos.

 

Festival de Nadal do Conservatorio Municipal, será o xoves, 21 de decembro, e tamén terá como escenario o Edificio Multiusos. Comeza ás 20 horas.

 

Espectáculo infantil  Brinca Vai! De aquí a acolá, de Paco Nogueiras en colaboración coa Mesa pola Normalización Lingüística. Neste caso, será  o sábado, 23 de decembro, ás 18 horas na Casa da Cultura.

 

Concerto Corais de Nadal 2017. Vaise celebrar o sábado, 23 de decembro, ás 20 horas na igrexa dos Escolapios. Actuarán a Coral RENFE de Monforte, o Orfeón de Trives e a Coral Polifónica Concello de Monforte.

 

 Concerto da Sociedad Filarmónica de Monforte, que será o martes, 26 de decembro, ás 20:15 horas na Casa da Cultura.

 

Festa infantil de Noite Vella, que terá como escenario a zona de mercados da Praza de Abastos, o xoves, 28 de decembro, entre as 11 e as 13 horas.

 

Espectáculo de maxia de Javier Muro, coa obra Sintonía Máxica, será o xoves, 28 de decembro, ás 20:15 horas no Edificio Multiusos.

 

O Apalpador percorrerá as rúas da cidade o vindeiro sábado, 30 de decembro, durante a mañá.

 

Concerto do Cuarteto Luca Camerata, previsto para o sábado, 30 de decembro, ás 20 horas na Casa da Cultura.

 

 

Cabalgata de Reis

 

Un dos días máis agardados será o venres, 5 de xaneiro. Os Reis Magos de Oriente chegarán á estación de ferrocarril de Monforte sobre as 16:50 horas. O desfile de carrozas comezará ás 18 horas dende a Praza da Estación ata chegar ó Concello.

 

Un pouco máis tarde, ás 19:30 horas, As Súas Maxestades lerán o seu discurso dende o balcón da Casa Consistorial. Posteriormente, recibirán ós nenos e nenas na planta baixa do Concello.

 

Ó día seguinte, o 6 de xaneiro, os Reis Magos realizarán unha visita por diferentes centros sociais de Monforte. 


    Documentación AdicionalDocumentación Adicional


    Libro Lois Pereiro #2015anoLoisPereiro
    Novas Axudas ARI
    Escudo do Concello de Monforte de Lemos

    (c) Concello de Monforte de Lemos
    Campo Santo Antonio S/N
    27400 Monforte de Lemos (Lugo)
    Tlf. 982 40 25 01

    Consultas e Soporte Web:
    webmaster@monfortedelemos.es
    Icono de conformidad con el Nivel Doble-A, 
	de las Directrices de Accesibilidad para el 
	Contenido Web 1.0 del W3C-WAI ¡CSS Válido!Valid XHTML 1.0 Transitional
    Programación e Deseño Web: Ainet Consulting