Actividades

Programa de Nadal 22-23

Programación do Nadal 2022-2023

A actividade de Nadal iniciarase coa convocatoria do Concurso de Beléns para centros de ensino da cidade.

Os máis pequenos da casa poderán volver a participar un ano máis no xa tradicional certame de poesía infantil “Nadal 2022”, da Biblioteca Pública Municipal Poeta Lois Pereiro.

Durante 3 fins de semana, o protagonista na Praza de Abastos será o Mercado de Nadal-Circuítos de Artesanía e Música Galega. Así, desenvolverase as fins de semana do 10 e 11, 17 e 18, 23 e 24 de decembro de 2022. Nel, ademais do mercado tamén haberá diversas actividades culturais e musicais de entretemento co obxectivo de presentar unha oferta cultural, musical e gastronómica nun ambiente navideño. A programación específica do Mercado darase a coñecer nos vindeiros días.

Ó igual que nos últimos anos, terá lugar a montaxe na sala de exposicións da Casa da Cultura Poeta Lois Pereiro dun Belén a cargo de J. Antonio Davila, que permanecerá exposto dende o 14 de decembro de 2022 ó 8 de xaneiro de 2023.

Da mesma maneira, como xa é tradición, a Asociación Albores é a encargada da decoración navideña do vestíbulo da Casa do Concello.

22ª Mostra de Panxoliñas para Centros de Ensino terá lugar o 15 decembro as 6 da tarde no Edificio Multiusos.

O tradicional Festival Nadal 2022, correrá como todos os anos a cargo do Conservatorio Municipal e celebrarase o 22 decembro ás 20:00 h no Edificio Multiusos.

Concerto de Corais Nadal 2022 será o 23 decembro ás 20:00 h na Igrexa Nosa Señora da Antiga coa actuación da Coral Aurea Canta, de Ourense, e a Coral Polifónica Concello de Monforte.

O Apalpador visitará as rúas da cidade e a zona dos mercados-Praza de Abastos durante a mañá do sábado 24 de decembro.

 

Teatro e espectáculos para toda a familia

teatro terá tres citas protagonistas, todas elas na Casa Cultura Poeta Lois Pereiro, e a cargp de grupos afeccionados de Monforte:

  • O crime de Lady Sibila” do grupo de teatro Teatreiras, o 10 de decembro ás 19:30 h. 
  • Perfectos descoñecidos” do grupo de teatro Viraventos , o 17 de decembro ás 19:30 h.
  • E o 4 de xaneiro ás 20:00 h un monólogo con Tito Rober. 

Especialmente dirixido a público infantil e familiar o programa de Nadal inclúe:

  • espectáculo de maxia “Alquimia” do Mago Teto, o 4 decembro ás 18:00 h no Edificio Multiusos.
  • E o espectáculo familiar “Filipa cos contos”con Fran Campos, o 4 xaneiro ás 18:00 h na Casa Cultura.

 

Novidoso concerto para bebés

Como actividade novidosa, o Concello inclúe no programa deste ano un concerto para bebés titulado “Son no berce”, de A Cova das Letras, que se celebrará o 27 decembro, con dúas sesións, ás 17:00 e 17:30 h, no  Edificio Multiusos e para o que será necesaria inscrición previa.

Outros concertos incluídos para este Nadal serán:

  • O da Banda de Música de Chantada, o 26 decembro ás 20:00 h na Casa da Cultura.
  • E o de Camerata Arven e o Ballet de Galicia, con Diego Landín del Rio e Erick Pegueros Rodríguez, organizado pola Sociedade Filarmónica en colaboración co Concello de Monforte, para o 28 decembro ás 20:00 h na Casa da Cultura.

 

Cabalgata de Reis

Un dos días máis agardados será o xoves 5 de xaneiro, no que os Reis Magos de Oriente chegarán á estación de ferrocarril de Monforte sobre as 17:30 horas.

O desfile de Carrozas Reais e da súa comitiva comezará ás 18:30 horas dende a Praza da Estación ata chegar ó Concello, á praza Campo de San Antonio.

Un pouco máis tarde, ás 19:30 h.,  As Súas Maxestades lerán o seu discurso dende o balcón da Casa Consistorial e recibirán ós nenos e nenas en recepción oficial.

Teatro no Concello de Monforte de Lemos, programación segundo semestre 2022

O teatro volverá ser protagonista da actividade cultural deseñada pola concellería de Cultura de Monforte no segundo semestre do ano 2022

Do 29 de setembro e ata o mes de decembro teremos a oportunidade de asistir a seis representacións de compañías profesionais dirixidas ó público adulto e infantil-familiar.

A participación do Concello na programación da Rede Galega de Teatros e Auditorios da Xunta de Galicia e no Circuito de Teatro Profesional da Área de Culura da Deputación de Lugo, permitirá que se acheguen a Monforte as seguintes compañías e obras:

 

Programación Adultos:

  • Compañía ÍTACA TEATRO. Obra FORMIGAS NO PETO. 29 de setembro
  • Compañía PRODUCCIONES COME Y CALLA. Obra EL CABALLERO INCIERTO. 6 de outubro
  • Compañía SARABELA TEATRO. Obra MORGANA EN ESMELLE.  27 de outubro
  • Compañía TALÍA TEATRO. Obra MORTE ACCIDENTAL DUN ANARQUISTA. 10 de novembro
  • Compañía ESTUDO MOMENTO. Obra 1888. A SEÑORITA XULIA. 24 de novembro

Programación Infantil-familiar
Compañía MAGO TETO. Obra ALQUIMIA. 4 de decembro

 

As representacións levaranse a cabo no Edificio Multiusos excepto a do mes de setembro que se realizará na Casa a Cultura Poeta Lois Pereiro, senda esta gratuíta, as demáis teñen un prezo de cinco euros e de tres euros para estudantes, desempregados e xubilados.