Actividades

Exposición “Y ADEMÁS DIBUJAN”  Casa da Cultura Poeta Lois Pereiro do 4 ó 29 de novembro de 2024

Exposición de debuxos realizados por nenos e nenas españoles refuxiados en colonias durante a Guerra Civil. A exposición cun gran valor humano e sentimental, ten un gran interese para a divulgación histórica. Os 48 traballos que conforman a mostra renden homenaxe ós nenos e ás nenas que sobre sinxelos papeis fixeron os seus debuxos, así como ós homes e mulleres que tomaron a iniciativa de socorrer ás nenas e os nenos españois que sufriron unha cruenta e inxusta guerra, coa tristeza engadida da separación das súas familias.

Con esta exposición ponse en valor un episodio que nunca debeu producirse e que, como tantas veces, tivo protagonistas aos nenos. Protagonistas dun sufrimento inxusto e innecesario nos que eles son sempre os máis vulnerables en calquera contexto bélico.

A inauguración terá lugar o luns 4 de novembro na Casa da Cultura Poeta Lois Pereiro ás 20:30h, coa participación de Vladimir Merino Barrera comisario da mostra.

Díptico Exposición

O Concello de Monforte de Lemos presenta a programación de teatro de outubro a decembro de 2024. O Concello integrado na Rede Galega de Teatros e Auditorios da Xunta de Galicia /AGADIC-GALESCENA, así como nos Circuitos de Teatro Afeccionado e Profesional da Deputación Provincial de Lugo Vicepresidencia Cultura, continuará neste segundo semestre de 2024 coa programación teatral. Grazas a esta programación teremos a oportunidade de asistir a doce representacións, dez compañías profesionais e dúas afeccionadas.

Teremos catro obras para un público familiar e os máis pequenos e oito para o público adulto.

Programación 2º semestre 2024:

Programación Adultos Rede de Teatros e Auditorios AGADIC -Xunta de Galicia:

1. TEATRO DO NOROESTE  coa obra  ÚLTIMO VERÁN EN SANTA CRISTINA  03/10/24
2. SARABELA TEATRO  con  O DRAGÓN DE OURO  17/10/24
3. TALÍA TEATRO  con  DESEXO  07/11/24
4. ARTEFEITO  con  SOÑOS  21/11/24
5. MALASOMBRA  con  TESTOSTERONA  12/12/24

Programación infantil Rede de Teatros e Auditorios da Xunta de Galicia:

1. ELEFANTE ELEGANTE  coa obra  KYOKI  13/10/24
2. TROPOS, TEATRO DE TÍTERES  con  LA RATITA PRESUMIDA  10/11/24
3. PÉREZ&FERNÁNDEZ  con  NANAI DA CHINA   01/12/24

As representacións levaranse a cabo no Edificio Multiusos, as infantís ás 18:00 h e as de adulto ás 20:15 h. O prezo da entrada xeral será de cinco euros e de tres euros para estudantes, desempregados e xubilados.

Representacións Circuíto de Teatro Afeccionado  –Deputación de Lugo –Concello de Monforte. Para todos os públicos/ Casa da Cultura Porta Lois Pereiro / 20:00 H / Entrada gratuita

1. 30 NOVEMBRO    TEATREIRAS MONFORTE  con OS OUTROS
2. 14 DECEMBRO     VIRAVENTOS MONFORTE  con COPACABANA

Representación Circuíto de Teatro Profesional –Deputación de Lugo –Concello de Monforte. Público adulto / Casa da Cultura Poeta Lois Pereiro / 20:30 H / Entrada Gratuíta

1. 18 DECEMBRO     TEATRO DO MIOLO  con SAÍNDO DO CERCO

Público infantil e familiar / Edificio Multiusos / 18:00 H / Entrada gratuíta

1. 26 DECEMBRO     TRÉCOLA PRODUCIÓNS con COA MÚSICA A OUTRA PARTE