Actualidade

Ciclo Grupos Monforte. Concertos na Rúa

Do 8 de agosto ó 2 de setembro o concello de Monforte programa o ciclo "Grupos de Monforte". Concertos na rúa, programa de actuacións para dar visibilidade e poñer en valor ós nosos grupos musicais da cidadeincluído no Verán Cultural de Monforte. Estas actuacións terán lugar en 3 espazos da cidade, como son a praza de España, a zona da Compañía e a praza da Estación.

O programa de concertos, todos gratuítos para o público asistente, é o seguinte:

Luns 8 de agosto:

CERO2CERO na Zona Compañía ás 22:30h

COOL FLANDERS na Zona Compañía ás 00:00h

Martes 9 de agosto:

LOS JINETES DEL TRÓPICO na Praza de España ás 23:00h

Martes 23 de agosto:

DINOSAURIOS na Praza da Estación ás 22:30h

DOC MAGOO'S na Praza da Estación ás 00:00h

Mércores 24 de agosto:

PENNY LANE na Zona Compañía ás 22:30h

MOVILLA Y LOS IRREPETIBLES na Zona Compañía ás 00:00h

Xoves 1 de setembro:

BELLA CHAOS na Praza da Estación ás 23:00h

Venres 2 de setembro:

AD HEIRA LITI na Praza de España ás 22:30h

DELOREANS na Praza de España ás 00:00h

Monforte Fusión

O concello de Monforte dentro das actividades deseñadas no Verán Cultural organiza unha serie de concertos por diferentes zonas da cidade. Concertos de solistas, dúos, cuartetos e grupos que amenizarán con diferentes estilos musicais, jazz, tango, boleros, bossa nova, música lixeira, música galega, música cubana, latinoamericana, funk, soft rock, swing. Estas actuacións todas gratuitas teñen o seguinte programa:

XOVES 18
12:30 H PRAZA DE ABASTOS. LENA ÁLVAREZ  
PIANISTA SOLISTA - MÚSICA LIXEIRA. CLÁSICOS E MODERNOS. IMPROVISACIÓN

 
19:30 H PRAZA DOUTOR GOYANES. ACUAREL -RUBÉN REINALDO E KELY GARCÍA
DÚO DE GUITARRAS - JAZZ / FUSIÓN

 

VENRES 19
12:30 H RÚA DO CARDEAL. MANUEL S. ARROYO
PIANISTA SOLISTA. MÚSICA LIXEIRA. CLÁSICOS E MODERNOS. IMPROVISACIÓN

19:30 H PRAZA DOS CHAOS. LORENA DO VAL & GONZALO HERRERO
DÚO CONTRABAIXO E VOZ. MÚSICAS DO MUNDO. TANGO, BOLERO, BOSSA NOVA, JAZZ, MÚSICA GALEGA

22:00 H BARRIO DA ESTACIÓN. DIANA TARÍN TRÍO
MÚSICA LATINA EN XERAL. MÚSICA CUBANA

 

SÁBADO 20
12:30 H COMPAÑÍA. ABYA YALA ENSEMBLE
CUARTETO. MÚSICA LATINOAMERICANA DE TODO O CONTINENTE FUSIONADA CON FUNK E SOFT ROCK

19:00 H PRAZA DE ESPAÑA. JAVIER CONSTENLA MÁSTERCLASS  

19:30 H PRAZA DE ESPAÑA. JAVIER CONSTENLA & PILAR MARTÍNEZ  
DÚO PIANO E VOZ. SWING, JAZZ

22:30 H PRAZA DE ESPAÑA  KIN GARCÍA TRÍO
SWING / JAZZ / FUSIÓN
 
Estas actividades están organizadas polo Concello de Monforte de Lemos e a Escola de Música Moderna e conta coa colaboración da Deputación de Lugo.

VIII Festival Cómico Festivo A Rúa é Vosa

O concello de Monforte dentro das actividades deseñadas nas Festas patronais inclúe o VIII FESTIVAL CÓMICO FESTIVO A RÚA É VOSA.
O Festival A Rúa é Vosa chega a súa oitava edición e realiza iste ano 15 espectáculos de maxia, ventriloquía, monicreques, música, acrobacias aéreas, clow, mimo e circo.
Estas actuacións todas gratuitas teñen o seguinte programa:

xoves 11 de agosto
13:00 h
LUIGI LUDUS / Maxia e música
Na praza de España Luigi Ludus representará o espectáculo CANTANDO BAIXO A MAXIA, un espectáculo máxico-musical para toda a familia: xogos co público e con instrumentos sorprendentes, xogos de maxia cantada como os "aros rapeados", un can de peluche que non so é poeta senón que tamén canta.
20:00 h

LUIGI LUDUS / Maxia e música
De novo Luigi Ludus na praza de España faranos gozar dunha actuación presentando un show ideal para que toda a familia se introduza no mundo do espectáculo por unha porta máxica e divertida.

 

venres 12 de agosto
13:00 h
MAICLOWN / Acrobacias aéreas e clown
Na praza de España Maiclown representarán o espectáculo TENTACIÓN DIVINA no que Mercurio baixa por primeira vez á terra en Misión Divina. ¿Como será este encontro +entre Mercurio e os Humanos? ¿Que tentacións, perigos e descubrimentos lle esperan? Mercurio vén con moitas ganas de festa, ledicia e humor, moito humor …
Un espectáculo para todos os públicos onde se combinan diferentes técnicas artísticas como teatro xestual, clown e acrobacias aéreas.
20:00 h

MAICLOWN / Acrobacia aéreas e clown
De novo o grupo Maiclown na praza de España faranos gozar dunha actuación presentando unha serie de situacións que cobran vida grazas á combinación de técnicas como o teatro xestual, a acrobacia aérea e o clown e con grandes doses de humor.

 

sábado 13 de agosto
12:00 h
OS MONIFATES / Música e monicreques
Na rúa do Cardeal teremos nesta mañá música e monicreques coa compañía Os Monifates que representará o seu espectáculo PERCORRENDO OS CAMIÑOS. Un peculiar carromato percorre os camiños tirado por dous músicos ambulantes que no seu camiñar interpretan música tradicional galega ó mesmo tempo que fan danzar uns monicreques que bailan sen cesar e que farán as delicias de nenos e maiores.
13:00 h

FRANCIS ZAFRILLA / Maxia, ventriloquía e monicreques.
Na praza de España Francis Zafrilla representará o seu espectáculo ESTE VERÁN TEN MAXIA!, un “megamix” cheo de loucuras, de cancións, de cousas fresquiñas e como non de… maxia! Un magnífico espectáculo deseñado para gozar, participar e divertirse saboreando o… verán e os días de festa.
19:00 h

OS MONIFATES / Música e monicreques
Os Monifates deleitaranos na rúa do Cardeal cun espectáculo creado por dous músicos e mestres artesáns, espectáculo que integra a música e os monicreques, mostrando a rica e variada instrumentación e a artesanía galega nunha montaxe didáctica e educativa para todos os públicos.
20:00 h

FRANCIS ZAFRILLA / Maxia, ventriloquia e monicreques.
Na praza de España ás 20:00h un foguete aterrará en Monforte de Lemos con destino ao mundo enteiro e cun único obxectivo: contaxiarnos a todos e a todas a súa maxia, ledicia e paixón. Ese foguete que conduce Francis Zafrilla chámase: Este verán ten maxia!.

domingo 14 de agosto
12:00 h
O MAGO PACO / Maxia e clown.
Na rúa do Cardeal actuará O Mago Paco co seu espectáculo LEDICIAS. Neste espectáculo de maxia infantil o Mago Paco fai un percorrido polos seus mellores xogos de maxia cos que pretenderá somerxer a todo o público no seu mundo fantástico, cheo de ilusión e sorrisos.  
13:00 h

KICIRKE / Mimo, clown,  acrobacias e  música.
Na praza de España Kicirke realizará a súa actuación de mimo, clown, acrobacias e música ás 13:00 horas co seu espectáculo SOUVENIRS. Gospodin Tuba, un excéntrico mestre de cerimonias, invítanos a coñecer o seu pequeno museo itinerante. O público descubrirá o seu carromato cargado de Souvenirs, lembranzas das súas viaxes arredor do mundo.
19:00 h

O MAGO PACO /Maxia e clown.
Na rúa do Cardeal maxia e clown co espectáculo LEDICIAS. Ledicias é un espectáculo versátil, aberto e  guiado por unha peculiar personaxe O Mago Paco. O artista fai de cada xogo un momento diferente, no que os nenos e nenas son os verdadeiros protagonistas; creando así un espectáculo propio, aloucado, ruidoso, dinámico e cheo de sorpresas..
20:00 h

KICIRKE /Mimo, clown,  acrobacias e  música.
Na praza de España Kicirke ás 20:00h. En escena veremos un nómade, un cómico que a través da súa quixotesca imaxinación dará vida a un elenco de artistas do máis variado. Un  espectáculo de variedades, un vaudeville actual e próximo onde a orquestra son vellos elementos de cociña, o circo é imperfecto e a maxia aparece de forma cómica e casual.

 

martes 16 de agosto
13:00 h
AVELA CIRCO / Clown e acrobacia
Na praza de España ás 13:00 h a compañía Avela Circo representaranos un espectáculo de clown e acrobacia musical para un público infantil e familiar titulado A CORDA.
19:00 h

AVELA CIRCO / Clown e acrobacia
Na rúa do Cardeal ás 19:00 h poderemos ver á compañía Avela Circo.
Como un papaventos sen fío, dende o humor e o circo, esta pallasa fala soa, contéstase, vai e vén porque non atopa o seu lugar, acompañada pola súa fiel bañeira á que a fai soñar e reafirmar que os tolos, non son tan tolos. Que a loucura, cúrao!.
20:00 h

SU.MA / Circo acrobático aéreo
Na praza de España e dende as 20:00h actuará SU.MA. A compañía circense realizará un espectáculo titulado IKIGAI. Espectáculo de danza-circo 360º de medio formato, onde dúas personaxes crean mundos de fantasía. Xogo e imaxinación, acrobacia aérea e voz cantada en directo son os ingredientes dun espectáculo onde a maxia xorde do uso creativo dos elementos da destreza comunicativa das intérpretes co público.
Os conflitos, decisións e dificultades son parte da vida cotiá. Sempre depende do que nós facemos con eses conflitos e como os resolvemos para que cada momento se converta nunha agradable aventura. Que te impulsa a seguir? a erguerte cada día como se fose novo? Que fai que esperte  o teu sorriso? Cal é o teu Ikigai?

Estas actividades están organizadas polo Concello de Monforte de Lemos conta coa colaboración da Deputación de Lugo.

Exposición de carteis do XXVII CONCURSO DE DESEÑO CARTEIS FESTAS PATRONAIS, do 18 de xullo ó 16 de agosto na Casa da Cultura Poeta Lois Pereiro

 

Do 18 de xullo ó 27 de agosto de 2022 e na Sala de Exposicións da Casa da Cultura Poeta Lois Pereiro do Concello de Monforte, realizarase unha exposición dos 18 carteis presentados ao XXVII CONCURSO DE DESEÑO DE CARTEIS FESTAS PATRONAIS -2022, concurso organizado polo Concello de Monforte de Lemos.

O cartel gañador foi o traballo presentado por CÉSAR ÁLVAREZ NÚÑEZ, que se presentou baixo o pseudónimo de Identidade.

O Alcalde presenta o programa de concertos musicais das Festas Patronais 2022 de Monforte, que contará cun día máis de festas

O Alcalde de Monforte, José Tomé Roca, acompañado pola concelleira de Cultura, Marina Doutón, e a 1º Tenente de Alcalde, Gloria Prada, deu a coñecer hoxe mediante rolda de prensa o programa de Concertos Musicais das Festas Patronais 2020, que se van celebrar do 10 ó 16 de agosto.  

“Por fin”, salientou o Alcalde, “despois de dous longos anos, en 2022 Monforte volverá a celebrar as súas Festas Patronais, dando un paso definitivo cara á normalidade que todos desexamos, tal como dixen, neste ano imos organizar todos os eventos con normalidade. Unhas Festas Patronais que van recuperar a esencia que tiveron nos últimos 7 anos, con concertos masivos e gratuítos na explanada da Compañía, porque xa temos ganas de vela chea de xente como antes da pandemia”.

 

Un día máis de Festas Patronais

O Alcalde, na súa intervención, aproveitou para confirmar o que xa anunciara hai un tempo, en relación coas Festas Patronais: “Para dar cumprimento ó meu compromiso cos monfortinos e coas monfortinas, este ano teremos un día máis de Festas Patronais pasando de 5 a 6 días. De tal xeito que o día do Pregón será o día 10 de agosto e os concertos empezarán o día 11 e rematarán o día 16 de agosto. En total serán 6 días de festa máis o Pregón, o que supón 7 días de Festas, porque como é habitual con este Goberno, o día do Pregón tamén haberá unha actuación musical na Praza de España”.

Deste xeito, o programa completo de actuacións musicais das Festas Patronais de Monforte deste ano 2022 son as seguintes:

Mércores 10 de agosto: 

  • PREGÓN
  • Actuación musical na Praza de España, que se incluirá dentro das actividades do Verán Cultural.

Xoves 11 de agosto:

  • Orquestra FINISTERRE: 22:30 a 00:00h / 03:00 a 04:30h.
  • Orquestra PANORAMA: 00:00 a 03:00 h. (un único pase)

Venres 12 de agosto:

  • LA OREJA DE VAN GOGH: 00:00 a 01:30 h.
  • Orquestra LOS SATÉLITES: 23:00 a 00:00 h / 01:30 a 03:30 h.

Sábado 13 de agosto:

  • EDURNE: 23:00 a 00:30 h.
  • GIN TONI´S: 00:30 a 02:30 h.
  • MALENNE: 02:45 a 04:00 h.

Domingo 14 de agosto:

  • ROSARIO FLORES: 23:00 a 00:30 h.
  • Orquestra LOS PLAYER`S: 00:30 a 02:00 h. / 02.30 a 04:00 h.

Luns 15 de agosto:

  • ANA MENA: 00:30 a 02:00 h.
  • Orquestra COSTA DORADA: 23:00 a 00:00 h / 02:00 a 04:00 h.
  • Fogos artificiais de San Vicente: 00:00 a 00:30 h.

Martes 16 de agosto:

  • MAGO DE OZ: 00:30 a 02:00 h.
  • Orquestra ACORDES: 23:00 a 00:00 h / 02:00 a 04:00 h.
  • Fogos artificiais do Río Cabe: 00:00 a 00:30 h.

 

Deste xeito, as actuacións musicais empezarán ás 11 da noite e rematarán ás 4 da madrugada.

O mandatario local manifestou que “estamos convencidos de que os concertos que temos programados van ser capaces de encher o recinto das Festas, debido á calidade das actuacións e tamén debido ó variado estilo musical dos concertos”.

 

Nova escenografía

Outra novidade que anunciou o Alcalde para as Festas Patronais deste ano, vai ser a produción. Deste xeito, o escenario vai ter unhas maiores dimensións, unha mellor sonoridade, e estará cuberto, o que vai permitir que aínda que chova algo, os concertos vanse celebrar igual.

En conxunto trátase dunha nova escenografía, que propiciará un aspecto visual moito mellor, o que leva consigo un incremento no custe da produción.

 

Fogos artificiais

Do mesmo xeito, o Alcalde tamén anunciou que as “Festas van contar cos Fogos de San Vicente na Torre da Homenaxe e tamén van contar cos Fogos do Río Cabe, tal e como se veñen disparando dende que os recuperamos en 2015”.

Do mesmo xeito, indicou que “o Programa Cultural do Verán e outras actuación ó longo do verán, darémolo a coñecer máis adiante, e nel van ter cabida os grupos e músicos monfortinos, para saír adiante xuntos e non deixar a ninguén atrás, así que os artistas monfortinos van ter cabida nas Festas e na programación do Verán Cultural”.

 

Alcalde rematou salientando que “con este cartel, estamos convencidos que van ser unhas boas Festas, nas que van participar masivamente os monfortinos, e tamén van atraer a visitantes, dado que hai música para todos os gustos e iso vai ser bo para a economía monfortina, especialmente para o comercio e para a hostalería”.

 “Deste xeito, cumprimos coa palabra dada, como é habitual en todos os proxectos que anunciamos, e as Festas Patronais non poden ser menos.”