5 de setembro de 2018. O Goberno municipal vai realizar obras de mellora noutras 15 rúas de Monforte, uns traballos dos que se van ver beneficiados 5 barrios da cidade. O investimento destes novos proxectos ascende a preto de 300.000 euros.
En concreto, as tarefas previstas contemplan obras na contorna de San Pedro e Zapardiel; no barrio da Estación; na zona do Hospital comarcal; nos arredores da rúa Veiguiña e na contorna de San Lázaro-A Pinguela.
Un dos proxectos que anunciou o Alcalde inclúe a mellora das rúas:
- Carlos Casares
- Avelino Cachafeiro
- Jacinto Benavente
- Juan Ramón Jiménez
- Rosalía de Castro
- Ramón y Cajal
- Padre Feijóo
- Juan Montes
- Miguel de Cervantes
O Alcalde, José Tomé, destaca que “deste xeito imos mellorar a totalidade das rúas ubicadas na contorna das rúas San Pedro e Zapardiel; así como os arredores de Juan Montes e do cuartel da Garda Civil, o que se traduce nunha mellora moi importante do barrio da Estación”.
O custe de licitación deste proxecto ascende a 144.722 euros.
O segundo dos proxectos previstos vai permitir mellorar outras seis rúas:
-Rúa Abeledos
-Rúa Corredoira, tramo 1 e 2
-Rúa Veiguiña (inclúe o tramo inicial da rúa Santiago)
-Ferrol
-Rúa San Lázaro
-acceso ás vivendas da Pinguela
José Tomé apuntou que “con este segundo proxecto imos mellorar 3 barrios da cidade: a zona do Hospital comarcal, a contorna da rúa Veiguiña e a zona de San Lázaro-A Pinguela”.
Este proxecto ten un presuposto de licitación de 144.261 euros.
Detalles das obras
Estas 15 rúas van ter un tratamento de aglomerado en quente e tamén van ser sinalizadas e pintadas axeitadamente. Ámbolos dous proxectos xa poden consultarse no Perfil do Contratante.
O prazo para presentar ofertas remata o 24 de setembro; e a mesa de contratación está fixada para o día 27. A previsión é que as obras comecen a finais de outubro ou comezos de novembro.
Detalles do investimento
Os dous proxectos custan 288.983 euros. Desta cantidade, a Deputación Provincial de Lugo aportará o 60% e o resto, corresponderalle ó Concello.