A monfortina Rosa Cedrón, será a madriña da 3ª edición do Festival do Viño da Ribeira Sacra de Monforte

Monforte de Lemos, 29 de xuño de 2019. O próximo venres día 5 de xullo dará comezo o terceiro Festival do Viño da Ribeira Sacra de Monforte, que terá lugar no paseo do Malecón e no que van participar 25 adegas das máis relevantes da Denominación de Orixe.

No acto de inauguración que terá lugar ás 6:30 da tarde no propio recinto do Festival, actuará o grupo “Habelas Hainas” e posteriormente haberá un saúdo institucional do Alcalde, José Tomé Roca, para as autoridades presentes, adegueiros e público en xeral, rematando dito acto coa intervención de Rosa Cedrón, que porá en valor os nosos viños.

O Alcalde quérelle agradecer a Rosa Cedrón o seu compromiso con Monforte e por contribuír á difusión da calidade dos viños da Ribeira Sacra, o que sen dúbida vai en beneficio de todos.

 Dossier Rosa Cedrón