A AECC e a U. A. DROGODEPENDENCIAS de Monforte de Lemos colaboran na difusión de información sobre este tipo de cancro, no que o tabaco se considera o factor de risco máis importante.
En España detéctanse preto de 29.000 novos casos de cancro de pulmón cada ano. É o tipo de cancro máis frecuente no mundo.
É mellor e máis fácil previr un cancro que curalo. O cancro de pulmón, segundo os datos da SEOM (Sociedade Española de Oncoloxía Médica) ocupaba o 2º lugar en incidencia en homes e o 4º en mulleres. Dato que está a cambiar no caso das mulleres pola circunstancia da incorporación da muller ao hábito de fumar.
Necesítanse medidas imprescindibles para concienciar do perigo do tabaco e evitar o seu consumo.
O tabaco é un factor de risco do cancro de pulmón.
Un factor de risco é calquera elemento que aumenta a posibilidade de desenvolver unha enfermidade, incluso o cancro. Existen factores de risco que poden controlarse, como o tabaquismo, e factores de risco que non poden controlarse, como os antecedentes familiares.
Aínda que os factores de risco poden influír na enfermidade, non son os causantes exclusivos do cancro. Algunhas persoas con varios factores de risco nunca desenvolverán a enfermidade, mentres que outras, sen factores de risco coñecidos, si o fan.
O tabaco considérase o factor de risco máis importante no caso do cancro de pulmón e demostrouse que inflúe, tamén, noutros tipos de cancro como é o cancro de vejiga.
A maioría dos cancros de pulmón prodúcense en persoas que fuman. O fume do tabaco dana as células dos pulmóns, provocando un crecemento anormal.
O risco de que o tabaquismo leve a desenvolver o cancro é maior para as persoas que fuman en grandes cantidades e/ou durante períodos máis prolongados. A exposición regular ao fume de cigarros, cigarrillos ou pipas doutro fumador pode aumentar o risco de desenvolver cancro de pulmón, aínda que a persoa non fume (o fumador pasivo).
O factor máis importante para a prevención do cancro de pulmón é evitar o fume do tabaco. As persoas que nunca fumaron posúen o nivel de risco máis baixo de sufrir cancro de pulmón.
Os fumadores poden reducir o risco de desenvolver este tipo de cancro se deixan de fumar, pero o seu risco seguirá sendo maior que o das persoas que xamais fumaron. Os intentos de previr o cancro de pulmón con vitaminas ou outros tratamentos non deron resultado.
Se desexas máis información sobre este tipo de cancro podes acudir á AECC, na súa nova sede de Monforte de Lemos e se queres deixar de fumar podemos axudarche na Unidade Asistencial de Drogodependencias.
UNIDAD ASISTENCIAL DE DROGODEPENDENCIAS (UAD)
Praza da Estación – 17
27400 MONFORTE DE LEMOS
Telf. 982 4 00 495
Facebook “Unidad Asistencial de Drogodependencias Monforte de Lemos”
ASOCIACIÓN ESPAÑOLA CONTRA EL CÁNCER (AECC)
Rúa Ricardo Quiroga, s/n, bajo. Local nº4
27400 MONFORTE DE LEMOS
Telf. 651 900 005
www.aecc.es
Twitter @aecc_es
Facebook "Unidos contra el Cáncer"