Monforte de Lemos, 25 de agosto de 2023. O Alcalde de Monforte, José Tomé Roca, acompañado pola concelleira de Cultura, Marina Doutón, e o concelleiro de Servizos, José Luis Losada, asistiu na tarde de hoxe á presentación do libro da escritora e xornalista Nazaret López, titulado “Pecados Veniais” e editado por Xerais.
A presentación tivo lugar na 24ª Feira do Libro de Monforte, e a autora estivo acompañada por Xosé Manuel Eyré.
Nazaret López (Lugo, 1959) traballa como xornalista en prensa, radio e televisión desde a década de 1980, labores que compaxina co teatro, no que exerce como docente, directora e autora para compañías profesionais e grupos afeccionados e escolares. Na colección Narrativa publicou as novelas “Formigas nos pés” (Xerais, 2019) e “Pecados veniais” (Xerais, 2022).