Monforte de Lemos, 16 de maio de 2024. O Concello de Monforte de Lemos, a través da súa concellería de Cultura, conmemorará mañá o Día das Letras Galegas deste ano 2024, que está adicado a Luísa Villalta Gómez.
Dentro da programación adicada a celebrar esta data tan significativa para a nosa comunidade, o Concello está a desenvolver un completo programa de actividades dende o 9 ata o 28 de maio.
Deste xeito, mañá venres 17 de maio, a programación ideada arredor do Día das Letras Galegas culminará coa celebración do Festival Letras Galegas 2024 na Casa da Cultura Poeta Lois Pereiro a partires das 12:00 h.
O Festival abrirá coa intervención institucional do Alcalde da cidade, José Tomé Roca.
Trátase dun festival musical, dirixido a todos os públicos e de carácter gratuíto, e que contará coas actuacións dos seguintes grupos:
- Asociación Cultural Amigos da Pandeireta de Monforte.
- Coral Polifónica do Concello de Monforte.
Programa do Festival Letras Galegas 2024
Asociación Cultural Amigos da Pandeireta de Monforte
- Qué dirán ....................................... Popular
- As Sachadeiras e o Trastallo .......... Popular
- A Trullada da Vendima .................. Popular
- Xota de Mesía ................................ Popular
- Foliada do Cabe .............................. Letra e Música: Xose Luis Cofán Vidal
Dirixe: Xosé Luís Cofán Vidal.
Coral Polifónica do Concello de Monforte
- No niño novo do vento ....Texto: A. Cunqueiro - Música: Luis Emilio Batallán
- Cada noite .........................Texto: Rosalía de Castro - Música: Julio Domínguez
- Rodaballo ..........................Popular galega
- Meu amor mariñeiro.........Texto: Manuel Alegre e Lois A.Pousa-Música: X.L.Ribas
- Se chove .............................Popular galega
Director: Fernando Samartino Pérez
Acompañamento Piano: María Quiroga
Ademais, dende onte, a sala de exposicións da Casa da Cultura acolle unha exposición con 10 paneis adicados á escritora coruñesa homenaxeada este ano, e que poderá visitarse ata o 28 de maio.
O Alcalde anima a todos os monfortinos e monfortinas a participar e a desfrutar de Festival de Música protagonizado por músicos monfortinos.