Monforte de Lemos, 20 de xuño de 2024. Como xesto simbólico e en sinal de apoio ás persoas con ELA (Esclerosis Lateral Amiotrófica), o Alcalde de Monforte, José Tomé Roca, informa que mañá venres día 21 de xuño procederase á iluminación da Torre da Homenaxe de San Vicente de cor verde con motivo do Día Mundial contra a ELA.
“Dende o Concello de Monforte, sumámonos a esta iniciativa e queremos facela extensiva a toda a cidadanía iluminando de verde a Torre da Homenaxe, pois é unha enfermidade que necesita ser coñecida dado que hai 4.000 persoas enfermas de ELA en España”, destaca o Alcalde.
Con motivo de este día, a Asociación Galega de Afectados de Esclerosis Lateral Amiotrófica (AGAELA) e o resto de asociacións pertencentes á Comunidade da ELA, lanzan a Campaña #LuzporlaELA2024, na que edificios e monumentos de toda España se iluminarán de cor verde co obxetivo de visibilizar a enfermidade e apoiar ás persoas enfermas para concienciar á sociedade sobre as dificultades que conlevan no día a día. En Galicia iluminaranse máis de 80 edificios e monumentos.
Deste xeito, dende estas organizacións anímase a toda a cidadanía a enviarlles fotos dos edificios e monumentos iluminados de verde e a difundilo nas redes sociais co hashtag #LuzporlaELA.