Monforte de Lemos, 16 de setembro de 2024. O Alcalde de Monforte, José Tomé Roca, anuncia que o teatro volverá ser protagonista da actividade cultural deseñada pola concellería de Cultura de Monforte para o último trimestre do ano 2024, tras rematar o programa do Verán Cultural.
Deste xeito, o Concello ofrece ós monfortino e monfortinas a oportunidade de asistir a 12 representacións de compañías tanto profesionais como de teatro afeccionado dirixidas a público adulto como infantil e familiar, e representaranse entre os meses de outubro e decembro. Así, escenificaranse no Auditorio do Edificio Multiusos e na Casa da Cultura Poeta Lois Pereiro, 5 obras dirixidas a público adulto, 4 pezas dirixidas a público infantil e familiar, e 3 para todos os públicos.
O Alcalde destaca que “tras o éxito do programa das Festas Patronais e do Verán Cultural, que rematará este sábado 21 coa celebración da romaría do San Mateo, na parroquia de A Parte, animamos ós monfortinos e monfortinas a que acudan a disfrutar desta programación de teatro do Concello de Monforte para o último trimestre do ano, a partir do 3 de outubro, que dará continuidade ó noso calendario cultural de actividades e que se estende ó longo de todo o ano”.
Rede de Teatros e Auditorios
A participación do Concello da programación da Rede Galega de Teatros e Auditorios, permitirá que se acheguen a Monforte as seguintes compañías e obras:
Programación para Público Adulto:
- Último verán en Santa Cristina, da compañía Teatro do Noroeste, o xoves 3 de outubro, ás 20:15 horas. Será no Auditorio do Edificio Multiusos, con entrada xeral de 5€, e de 3€ para estudantes, desempregados e xubilados.
- O Dragón de ouro, da compañía Sarabela Teatro, o xoves 17 de outubro, ás 20:15 horas. Será no Auditorio do Edificio Multiusos, con entrada xeral de 5€, e de 3€ para estudantes, desempregados e xubilados.
- Desexo, da compañía Talía Teatro, o xoves 7 de novembro, ás 20:15 horas. Será no Auditorio do Edificio Multiusos, con entrada xeral de 5€ e de 3€ para estudantes, desempregados e xubilados.
- Soños, da compañía Arte Feito, o xoves 21 de novembro, ás 20:15 horas. Será no Auditorio do Edificio Multiusos, con entrada xeral de 5€ e de 3€ para estudantes, desempregados e xubilados.
- Testosterona, da compañía Malasombra, o xoves 12 de decembro, ás 20:15 horas. Será no Auditorio do Edificio Multiusos, con entrada xeral de 5€ e de 3€ para estudantes, desempregados e xubilados.
Programación para Público Infantil e Familiar:
- Kyoki, da compañía Elefante Elegante, terá lugar o domingo 13 de outubro, ás 18:00 horas no Auditorio do Edificio Multiusos, con entrada xeral de 5€ e de 3€ para estudantes, desempregados e xubilados.
- La ratita presumida, a cargo de Tropos, Teatro de Títeres, terá lugar o domingo 10 de novembro, ás 18:00 horas no Auditorio do Edificio Multiusos, con entrada xeral de 5€ e de 3€ para estudantes, desempregados e xubilados.
- Nanai da China, a cargo da compañía Pérez&Fernández, terá lugar o domingo 1 de decembro, ás 18:00 horas no Auditorio do Edificio Multiusos, con entrada xeral de 5€ e de 3€ para estudantes, desempregados e xubilados.
Ciclo de Teatro Afeccionado e o Circuíto de Teatro Profesional
O Concello de Monforte de Lemos tamén participa noutros dous circuítos teatrais nesta ocasión os da Área de Cultura da Deputación de Lugo: o Ciclo de Teatro Afeccionado e o Circuíto de Teatro Profesional.
Dentro do Circuíto de Teatro Afeccionado, o sábado 30 de novembro ás 20:00 horas na Casa da Cultura Poeta Lois Pereiro o grupo Teatreiras-Monforte representará Os Outros, con entrada gratuíta dirixida a todos os públicos.
Tamén dentro deste ciclo de teatro afeccionado, o sábado 14 de decembro ás 20:00 horas na Casa da Cultura Poeta Lois Pereiro o Grupo de teatro Viraventos-Monforte representará Copacabana, con entrada gratuíta dirixida a todos os públicos.
Dentro do Circuíto de Teatro Profesional o grupo Teatro do Miolo representará o mércores 18 de decembro ás 20:30 horas na Casa da Cultura Poeta Lois Pereiro a obra Saíndo do cerco. Esta representación dirixida todos os públicos tamén será de entrada gratuíta.
Finalmente, tamén dentro deste Circuíto de Teatro Profesional, o xoves 26 de decembro ás 18:00 horas, no Auditorio do Edificio Multiusos, terá lugar a representación da obra Coa música a outra parte, da compañía Trécola Producións.