Monforte de Lemos, 19 de decembro de 2024. Mañá venres día 20 de decembro ás 20:00 h, celebrarase no Auditorio do Edificio Multiusos de Monforte o tradicional Concerto de Nadal do Conservatorio Municipal Mestre Ibáñez do Concello de Monforte.
O recital correrá a cargo do alumnado e profesorado do Conservatorio Municipal nas súas diversas especialidades e está dirixido a todo o público en xeral, sendo a entrada gratuíta.
As actuacións realizaranse en grupos de conxunto de saxofón, violín, clarinete/frauta, percusión, vento metal, así como coros e orquestra.
No concerto interpretaranse sobre todo temas de temática navideña, así como obras de autores clásicos e modernos.
Consulta o Programa do Concerto de Nadal en:
Programa Concerto de Nadal Conservatorio de Monforte 20-12-2024