Monforte de Lemos, 23 de decembro de 2024. Mañá martes 24 de decembro Monforte de Lemos recibirá a visita do APALPADOR, que virá acompañado dun músico amigo seu.
Os monfortinos e as monfortinas, xunto coa xente que visite a nosa cidade nestas datas, poderán disfrutar deste típico personaxe polas rúas de Monforte dende ás 11:30h.
O Apalpador, é un mítico personaxe da tradición popular galega, nado no Courel, ligado ás festas do Nadal. Grandullón, bo, de mirada doce e longas barbas coloradas, durante o ano fabrica carbón e vive dos froitos silvestres, da caza de xabaríns, recolle mel e fai aparecer coas ramas dos bosques os xoguetes que as madeiras esconden.
Deste xeito, percorrerá co seu abrigo cheo de remendos e a grandes zancadas xunto cun músico amigo seu as rúas da nosa cidade de Monforte a mañá do 24 de decembro.
Esta animación corre a cargo de Anxo Moure (apalpador) e Servando Barreiro (músico).
