Programa Deportivo de Verán 2024 | web Oficial do Concello de Monforte de Lemos

PROGRAMA DEPORTIVO DE VERÁN CONCELLO DE MONFORTE 2024

O Concello de Monforte organiza, para o verán de 2024, unha serie de actividades motivado principalmente polas necesidades de conciliación familiar dos monfortinos e monfortinas así como para que nenos e nenas, rapaces e rapazas, poidan gozar dunhas vacacións activas practicando actividades lúdicas de xeito saudable.

As actividades ofertadas para o verán 2024 son:

Campamento deportivo de verán
XVIII campus de fútbol Cidade de Monforte – R.C. Celta de Vigo
Cursos de tenis
Cursos de natación na piscina climatizada municipal

CAMPAMENTO DEPORTIVO DE VERÁN:

Esta actividade pretende aproveitar a recreación deportiva como ferramenta na ocupación do tempo libre e de lecer dos nenos e nenas.

O Campamento está distribuído en 3 quendas:

do 1 ao 15 de xullo
do 16 ao 31 de xullo
do 1 ao 14 de agosto

O horario de cada unha das quendas é de luns a venres de 10:00 a 14:00 h.

No transcurso de cada unha das xornadas de actividade as persoas participantes desfrutarán realizando actividades multideportivas, tanto a cuberto como ao aire libre, excursións e talleres diversos.

Nesta actividade poderán participar nenos e nenas nados/as entre o 01.01.2012 e o 31.12.2019

Para todas as persoas que o precisen habilitarase un servizo de transporte tanto para a ida como para a volta da actividade.

O custe de cada unha das quendas do campamento é o seguinte:

Matrícula sen trasporte: 51,75 € por quincena.
Matrícula con transporte: 67,28 € por quincena

Ás familias numerosas terán un desconto do 50 %

Resérvanse 6 prazas para persoas con discapacidade igual superior o 33 % e 8 prazas a disposición dos Servizos Sociais do Concello de Monforte, en cada unha das quendas.

REQUISITOS PARA PARTICIPAR NOS CAMPAMENTOS DEPORTIVOS:

Cumprir coa idade establecida
Estar empadroado/a no Concello de Monforte. No caso de que o neno/a non estea empadroado/a no Concello de Monforte poderá participar se o está algún dos seus proxenitores (pai ou nai) ou algún dos seus avós.
No caso das prazas reservadas para persoas con discapacidade igual ou superior ao 33 %, ter recoñecemento da situación de discapacidade.

Terán preferencia aquelas persoas cuxos proxenitores traballen os dous, e as familias monoparentais. Estas situacións deberán de acreditarse ao realizar a preinscrición, coa aportación da seguinte documentación:

No caso de que os dous proxenitores traballen, e así o fagan constar no formulario:

Libro de familia (de todas as follas cubertas)
Documentación que acredite que os dous proxenitores están traballando:
- No caso de traballadores/as por conta allea: vida laboral ou certificado de empresa que o acredite.
- No caso de traballadores/as por conta propia: vida laboral ou último recibo do pago da cota á Seguridade Social.
No caso de familia monoparental e así o fagan constar no formulario: certificado acreditativo emitido polo organismo correspondente.

XVII CAMPUS DE FÚTBOL CIDADE DE MONFORTE:

O Concello de Monforte organiza a décimo oitava edición do Campus de Fútbol Cidade de Monforte – R.C. Celta de Vigo, que ten como obxectivo que nenos e nenas, rapaces e rapazas, poidan gozar dunhas vacacións activas practicando deporte, ademais de ter a oportunidade de facelo da man de monitores que traballan dentro da estrutura dun Club de Fútbol Profesional como e o R.C. Celta de Vigo.

Esta actividade celebrarase entre o 29 de xullo e 2 de agosto en horario de 10:00 a 13:00 h. no Campo Municipal de Fútbol Luis Bodegas.

Trátase dunha actividade dirixida a nenos e nenas nados/as entre o 01.01.2010 e o 31.12.2017

O custe da actividade é de 26,91 €. As familias numerosas terán un desconto do 50 %

REQUISITOS PARA PARTICIPAR NO CAMPUS DE FÚTBOL:

Cumprir coa idade establecida
Estar empadroado/a no Concello de Monforte. No caso de que o neno/a non estea empadroado/a no Concello de Monforte poderá participar se o está algún dos seus proxenitores (pai ou nai) ou algún dos seus avós.

CURSOS DE TENIS

Os cursos de tenis están distribuidos en 3 quendas:

do 1 ao 15 de xullo
do 16 ao 31 de xullo
do 1 ao 14 de agosto

O horario das clases en cada unha das quendas será os martes e xoves non festivos (clases de 1 hora de duración a partir das 10:00 h.)

O custe da actividade é de 20,70 €. As familias numerosas terán un desconto do 50 %

O lugar de celebración serán as Pistas Municipais de tenis da Pinguela.

REQUISITOS PARA PARTICIPAR NO CURSOS DE TENIS:

Cumprir coa idade establecida
Estar empadroado/a no Concello de Monforte. No caso de que o neno/a non estea empadroado/a no Concello de Monforte poderá participar se o está algún dos seus proxenitores (pai ou nai) ou algún dos seus avós.

TIPO DE SOLICITUDE E PRAZO DE PRESENTACIÓN:

As persoas interesadas en participar no “campamento de verán”, no “campus de fútbol” e/ou nos “cursos de tenis” deberán facer unha solicitude de preinscrición a través do Rexistro Xeral do Concello de Monforte (ben presencial ao electrónico) entre o 23 e o 30 de maio de 2024.
As solicitudes poderán presentarse de xeito individual ou múltiple.Poderán presentar unha solicitude múltiple para o suposto de dous/dúas, tres e ata catro irmáns/ás. Esta solicitude múltiple só se poderá empregar no caso de persoas que soliciten idéntica/s quenda/s.

As solicitudes múltiples teñen efecto durante o sorteo para a adxudicación de prazas e xerar as listas de agarda. No obstante, no momento das adxudicacións dende a lista de agarda, teranse en conta como solicitudes individuais.

No caso do campamento deportivo, as persoas con discapacidade igual ou superior ao 33 % poderán escoller entre presentar solicitude a través do procedemento xeral ou polo procedemento das prazas reservadas para persoas con discapacidade, de xeito que quedarán excluídas no suposto de que presenten a solicitude por ambos os procedementos.
Publicación de lista de persoas preinscritas e estado da documentación presentada o día 4 de xuño.
Período de emenda de solicitudes do 5 ao 7 de xuño, a través do Rexistro Xeral do Concello de Monforte. No caso de que a documentación a emendar teña que ver cos criterios de preferencia aplicables, e de non presentarse, non se terán en conta á hora do reparto das prazas.
Sorteo de prazas, no caso e ser necesario, o día 10 de xuño. No sorteo estará presente un/unha funcionario/a municipal que dará fe do resultado do sorteo.
Publicación de lista de persoas admitidas e lista de agarda o día 11 de xuño.
Matrícula definitiva, en función das prazas concedidas, entre o 12 e o 21 de xuño. A matrícula definitiva poderá facerse de dous xeitos:
Enviando toda a documentación requirida por correo electrónico ao enderezo deporte.veran@concellodemonforte.com
Presentando toda a documentación requirida nas Oficinas Municipais de Deportes e Xuventude sitas nas Casitas da Compañía.

PROCEDEMENTO DE ADXUDICACIÓN DE PRAZAS

Se o número de solicitudes non supera o número de prazas ofertadas, estas serán de adxudicación directa. En caso contrario, aplicaranse os criterios de preferencia, se os hai, e el última instancia e de ser necesario realizarase sorteo.

No caso de solicitude múltiple entenderase que se no sorteo de prazas algunha das persoas integrantes da solicitude obtén praza, tamén a obterán o resto.

DOCUMENTACION A PRESENTAR:

PREINSCRICIÓN (entre o 23 e o 30 de maio de 2024):

Para todas as actividades:

Formulario de preinscrición establecido
En caso de solicitude múltiple: fotocopia do libro de familia onde consten todos os membros da unidade familiar.
En caso de nenos e nenas con discapacidade igual ou superior ao 33%: certificado de discapacidade.
No caso de que o neno/a non estea empadroado no Concello de Monforte pero si que o estea algún dos seus proxenitores (pai ou nai), fotocopia do libro de familia onde consten todos os membros da unidade familiar.
No caso de que nin o neno/a nin os seus proxenitores estean empadroados no Concello de Monforte pero si que o estea algún dos seus avós, fotocopia do libro de familia dos pais e os avós.

Especificamente para o Campamento Deportivo (de ser o caso):
No caso de que os dous proxenitores traballen, e así o fagan constar no formulario:
- Fotocopia libro de familia onde consten todos os membros da unidade familiar.
- Documentación que acredite que os dous proxenitores están traballando:
No caso de traballadores/as por conta allea: vida laboral ou certificado de empresa que o acredite.
No caso de traballadores/as por conta propia: vida laboral ou último recibo do pago da cota á Seguridade Social.

No caso de familia monoparental e así o fagan constar no formulario: certificado acreditativo emitido polo organismo correspondente.

MATRÍCULA DEFINITIVA en función das prazas concedidas (entre o 12 e o 21 de xuño):

Formulario de matrícula definitivo en función das prazas concedidas.
No caso de familia numerosa, documentación acreditativa correspondente expedida polo órgano competente.
No caso de nenos e nenas con discapacidade igual ou superior ao 33 %:cuestionario de saúde e autonomía persoal, co fin de planificar os apoios necesarios.

Esta documentación poderá presentarse de dous xeitos:

Enviando toda a documentación requirida por correo electrónico ao enderezo deporte.veran@concellodemonforte.com
Presentando toda a documentación requirida nas Oficinas Municipais de Deportes ou Xuventude sitas nas Casitas da Compañía.

PAGO DA MATRÍCULA:

As persoas con praza, unha vez presentada a documentación requirida para a inscrición definitiva, faráselles entrega, ben presencialmente ou a través do correo electrónico indicado pola persoa interesada, da carta de pago correspondente coa súa inscrición. O pago poderano facer en Abanca, presentando a carta de pago, ou a través da pasarela de pagos habilitada na páxina web www.monfortedelemos.es A data límite para realizar o pago será o 21 de xuño.

CURSOS DE NATACIÓN NA PISCINA CLIMATIZADA MUNICIPAL:

Na piscina climatizada municipal organízanse cursos de natación, durante os meses de xullo e agosto dirixidos tanto a nenos e nenas como a persoas adultas.

Os cursos de categoría infantil e nenos serán intensivos por quincenas con clases de luns a venres, mentres que os cursos dirixidos a bebes e adultos serán mensuais con dúas clases á semana.

Para levar a cabo as inscricións nalgún dos cursos ofertados as persoas interesadas deberán acudir á Piscina Climatizada Municipal a partir do 19 de xuño, as persoas aboadas, e a partir do 24 de xuño as non aboadas.

ARQUIVOS PARA DESCARGA:

Composición de grupos 1ª quincena Curso de Tenis 2024

Composición de grupos 1ª quincena Campamento Deportivo de Verán 2024

Programa actividades 1ª quincena Campamento Deportivo de Verán 2024

Normas e recomendacións Campamento Deportivo de Verán 2024

Adxudicación de prazas para actividades do Programa Deportivo de Verán 2024

Formulario matrícula Campamento de Verán 2024

Cuestionario de saúde e autonomía persoal

Formulario matrícula Campus Fútbol 2024

Horario transporte Campamento Deportivo de Verán 2024

Listado solicitudes preinscrición Campamento de Verán 2024

Listado solicitudes preinscrición Campus de Fútbol 2024