Monforte de Lemos, 8 de xullo de 2020. O Alcalde de Monforte, José Tomé Roca, recibiu hoxe, acompañado polo concelleiro de Deportes, José Manuel Mougán, a Eduardo Iglesias, piloto monfortino de motos que participou na última edición do Rally Dakar, disputado en Arabia do 5 ó 17 de xaneiro deste ano 2020.
Na visita, o piloto monfortino, acompañado por Jesús Veloso, fíxolle entrega ó Alcalde do dossier no que se recollen todos os aspectos da súa participación na última edición do Rally Dakar: fotografías, presencia nos medios de comunicación nacionais e internacionais, ou detalles técnicos, entre outros aspectos. O dossier foille entregado ó rexedor municipal tanto en edición en papel como en formato dixital, a través dun lápis electrónico.
Cabe recordar que Eduardo Iglesias foi o primeiro piloto monfortino en participar nesta emblemática carreira, unha dura competición na que Iglesias logrou non só concluír o rally, senón tamén rematar por debaixo do top 100, concretamente no posto 94.
