Monforte de Lemos, 18 de xuño de 2022. O Alcalde de Monforte, José Tomé Roca, reuniuse na tarde de onte con representantes das 27 adegas que protagonizará do 1 ó 3 de xullo a cuarta edición do Festival do Viño da Ribeira Sacra de Monforte.
O encontro levouse a cabo no salón de plenos da Casa do Concello de Monforte, e serviu para que o Alcalde lles explicara os aspectos organizativos e técnicos en relación coa montaxe do espazo expositivo, que como en pasadas edicións, ubicarase no Paseo do Malecón beira do río Cabe.
Así o rexedor monfortino deulles a coñecer o deseño do stand que cada adega ocupará no certame, así como o deseño das zonas comúns, e especialmente a zona de catas que se inclúe este ano no certame, para a novidosa celebración do obradoiro de catas para adulto, que por rimeira vez se fará neste Festival.
O Alcalde tamén anunciou que o Paseo do Malecón permanecerá cortado dende o luns 27 de xuño a primeira hora da mañá, para proceder á montaxe do Festival do Viño.
Sorteo de ubicacións dos stans das adegas
O encontro cos adegueiros e adegueiras participantes no Festival do Viño da Ribeira Sacra de Monforte 2022 serviu tamén para levar a cabo o sorteo público da ubicación do stand de cada adega no Festival, sorteo que se levou a cabo mediante a extración do nome de cada adega dunha caixa habilitada para a ocasión.
Deste xeito, a orde foi a seguinte:
- Don Cosme
- Santa Mª de Nogueira
- Pilares de Belesar
- Condado de Sequeiras
- Malcavada
- Guímaro
- Tear
- Don Bernandino
- Peza do Rei
- Val da Lenda
- Rectoral de Gundivós
- Petrón
- Alma das Donas
- Abadía da Cova
- Rectoral de Amandi
- Gullufre
- Cruceiro
- Adega Vella
- Viña Vella
- Ciudáseis
- Lucenza
- Finca Cuarta
- Ponte da Boga
- Finca Millara
- Proencia
- Cividade
- Algueira
O Alcalde agradeceu ós adegueiros e adegueiras o seu compromiso e o interese en participar neste certame.
Pola súa banda, os adegueiros amosaron a súa satisfacción pola volta do Festival do Viño, tras dous anos de ausencia obrigada, e agradeceron ó Concello o interese e esforzo para volver a organizar e celebrar un certame do que agardan atraia a milleiros de persoas a Monforte durante a primeira fin de semana de xullo.