Monforte de Lemos, 9 de febreiro de 2023. O entroido acaba de comezar co concurso do Xoves de Compadres, unha celebración que tradicionalmente se distingue por levar á rúa a burla e sátira que as mulleres fan dos homes e que supón a contestación dos homes unha semana mais tarde, o 16 de febreiro, co Xoves de Comadres. A continuación, a cidade do Cabe desfrutará do desfile de comparsas e disfraces do Martes de Entroido que terá lugar o día 21 de febreiro para pechar os actos, o mércores día 22, co Enterro da Sardiña.
Nesta edición de 2023, o Concello destina 18.000 euros en premios, mantendo a mesma axuda que en 2022. Neste senso, o pasado ano, no que se recuperou a actividade logo do parón propiciado polo Coronavirus, o Concello incrementara o importe destes premios en 4.900 euros máis con respecto a 2020 (un 37,40% máis), ano en que se repartiran 13.100 euros en premios..
Concursos do Xoves de Compadres e de Comadres
Tanto para o concurso do Xoves de Compadres como para o de Comadres, a Concellería de Cultura de Monforte ten previstas tres convocatorias. Unha delas para os centros de ensino, outra para parroquias, barrios e rúas do Concello e por último, unha terceira de carácter individual, que concursará na Praza de España.
Á hora de decidir os gañadores tense en conta a orixinalidade dos materiais empregados, a montaxe, a elaboración e os materiais utilizados, o interese etnográfico e a crítica social. Cómpre destacar que cada un destes criterios ten unha valoración mínima do 10% e a máxima será do 25% do total da puntuación.
Tanto no caso do Xoves de Compadres como no de Comadres, os premios para cada unha das convocatorias son os seguintes:
|
Individuais 1º premio: 75 euros 2º premio: 50 euros Accésit: 25 euros |
Colectivos 1º premio: 120 euros 2º premio: 95 euros Accésit: 50 euros |
Outros premios -Premio á etnografía: 125 euros -Premio á crítica social: 125 euros |
Este ano na categoría de Barrios Colectivos o número de participantes ascende a oito: CEIP Plur. A Gándara, CEIP Plur. Monforte, Asocia. Veciños Barrio de Cobas, Asoc. Do Barrio da Pinguela, San Julian de Tor, Asociación Agora (centro de día), AFAMON, Asociación Prodeme.
Na categoría de Barrios Individual a lista de inscritos é de cinco: Auxilia Monforte, Asoc. Agora (centro de atención diúrna ocupacional Infanta Elena-Agora), Centro Viño Ribeira Sacra, Centro Viño Ribeira Sacra, Cinsa.
Na categoría de Centro de Ensino colectivo hai dous participantes: Fund. Torre Lemos, Colexio Ferroviario e en Centro de Ensino individual hai tres participantes: ANPA Colexio Escolapios, CEIP Plur. A Gándara, CEIP Plur. Monforte.
Xa por último, na categoría Individual hai dous participantes: Abril e Antón.
Por outro lado, segue a estar aberto ata o mércores 15 de febreiro as 14:00 h, o prazo para inscribirse no concurso do Xoves de Comadres.
Martes de Entroido: desfile de comparsas e disfraces
O día grande do Entroido en Monforte será o martes, 21 de febreiro e o derradeiro día para poder inscribirse neste concurso, presentando a correspondente documentación no Rexistro do Concello ou a través da Sede Electrónica do mesmo, será o 16 de febreiro ata as 14 horas.
O Concello establece dúas modalidades claramente diferenciadas: unha delas para as comparsas e disfraces de Monforte e outra para disfraces e comparsas de fóra da cidade.
A diferenza estará na contía dos premios, de tal xeito que o primeiro premio para as comparsas de máis de 90 compoñentes pode chegar ós 1.100 euros e no caso das que sexan de fóra ascenderá a 400 euros.
Por outra parte, haberá premios de 125 euros para a mellor comparsa tradicional, para a mellor posta en escena, a mellor música en vivo, o mellor humor e a mellor crítica de actualidade.
O desfile de comparsas e disfraces comezará o 21 de febreiro ás 17:00 h na praza da Estación.
A relación completa de premios é a seguinte:
COMPARSAS E DISFRACES DE MONFORTE:
Comparsas de máis de 90 compoñentes
1º- 1.100 euros
2º- 700 euros
3º- 500 euros
Comparsas entre 51 e 90 compoñentes
1º- 500 euros
2º- 350 euros
3º- 200 euros
Comparsas entre 25 e 50 compoñentes
1º- 400 euros
2º- 250 euros
3º- 200 euros
Comparsas entre 4 e 24 compoñentes
1º- 250 euros
2º- 200 euros
3º- 150 euros
Individual Adultos de 1 a 3 compoñentes
1º- 125 euros
2º- 100 euros
3º- 75 euros
Premios de 125 euros a:
- Mellor comparsa tradicional
- Mellor posta en escena
- Mellor música en vivo
- Mellor humor
- Mellor crítica de actualidade
Premios ás Carrozas
1º- 400 euros
2º- 200 euros
3º- 150 euros
Accésits
- Comparsas con máis de 90 compoñentes: 250 euros
- Comparsas de 51 a 90 compoñentes: 130 euros
- Comparsas de 25 a 50 compoñentes: 100 euros
- Comparsas de 4 a 24 compoñentes: 100 euros
- Comparsas infantís: 40 euros
- Individual adulto: 40 euros
- Individual infantil: 40 euros
- Ás carrozas: 70 euros
Individual infantil de 1 a 3 compoñentes
1º- 100 euros
2º- 75 euros
3º- 60 euros
Comparsas infantís de 4 compoñentes en diante
1º- 225 euros
2º- 130 euros
3º- 75 euros
COMPARSAS E DISFRACES DE FORA DE MONFORTE:
Comparsas de 1 a 3 compoñentes
1º- 125 euros
2º- 100 euros
3º- 75 euros
Comparsas de 4 a 24 compoñentes
1º- 250 euros
2º- 200 euros
3º- 150 euros
Comparsas de máis de 25 compoñentes
1º- 400 euros
2º- 250 euros
3º- 200 euros