Monforte de Lemos, 19 de decembro de 2024. O Alcalde de Monforte, José Tomé Roca, acudiu na noite de onte á representación da obra de teatro Saíndo do cerco da compañía Teatro do Miolo que tivo lugar na Casa da Cultura ás 8:30 da tarde.
O Alcalde estivo acompañado pola Tenente de Alcalde, Gloria Prada, e a concelleira de Cultura, Ensino e Xuventude, Marina Doutón.
Esta actuación forma parte do Circuíto de Teatro Profesional da Área de Cultura da Deputación de Lugo, correspondente ó segundo trimestre deste ano 2024.
A autoría e dirección desta peza teatral correu a cargo de Guillermo Cancelo e o seu elenco é Chelo Lamela, André Vázquez e Guillermo Cancelo.