Monforte de Lemos, 29 de novembro de 2024. O Alcalde de Monforte, José Tomé Roca, informa que a partir do vindeiro domingo 1 de decembro, os partidos que se disputen no Campo Municipal de Fútbol da Pinguela durante a tempada 2024 – 2025, poderanse seguir en directo gracias a un novo sistema de cámaras instaladas grazas ó convenio de colaboración subscrito co plataforma Televisión do Deporte Galego.
A Televisión do Deporte Galego é unha plataforma de streaming exclusiva para o deporte modesto, a través da cal se van a emitir os partidos dos principais deportes de Galicia a partir da tempada 2024 – 2025. Trátase dunha televisión por internet con App’s para todo tipo de dispositivos, incluídas Smart TV´s.
“O obxectivo coa colaboración que levamos a cabo con esta plataforma”, salienta o Alcalde, ”é axudar ós clubes modestos a xerar novos recursos económicos, así como dotalos de ferramentas tecnolóxicas para mellorar técnica e deportivamente. Neste caso, falamos do Club Lemos.”
Para a emisión dos partidos usarase un moderno sistema de produción composto por unha cámara panorámica de calidade 8k e unha cámara robotizada full HD manexadas mediante intelixencia artificial, así como unha mesa de produción na nube que permitirá engadir de xeito automático marcador, locucións, aliñacións, estatísticas do partido, e todo o necesario para facer unha realización de alta calidade.
O sistema foi instalado no Campo Municipal de Fútbol da Pinguela e permitirá ver en directo, a partir do vindeiro domingo 1 de decembro, os partidos que se disputen na instalación deportiva durante a tempada 2024 – 2025.
A empresa galega Cinfo, empresa encargada da emisión dos partidos, asinou un acordo coa Real Federación Galega de Fútbol que permite que tanto a instalación das cámaras como a emisión dos partidos non teña custe para o Concello de Monforte.
O Alcalde subliña que “dende o Concello de Monforte reforzamos deste xeito a nosa aposta polas novas tecnoloxías e o noso compromiso co deporte local. Quero ademais recordar neste campo de fútbol da Pinguela levamos investido nos últimos anos 310.000€, para a renovación do céspede do terreo de xogo, para a iluminación do campo, para o novo videomarcador e na licitación que anunciamos a semana pasada para renovar os parasois da grada do Campo de fútbol municipal de A Pinguela.
O enlace a través do que se poderá acceder á plataforma é a retransmisión dos eventos deportivos en directo é o seguinte:
E en concreto o do partido do domingo 1 de decembro: CD Lemos-CD Lalín:
https://tiivii.gal/videodetail/1178