Monforte de Lemos, 11 de xaneiro de 2025. O Alcalde de Monforte, José Tomé Roca, acudiu na tarde-noite de onte venres 10 de xaneiro á inauguración dun novo ximnasio en Monforte, GOAT-Crossfit Rock Life, situado na Estrada de Ourense, nº 200 de Monforte.
No acto, o Alcalde estivo acompañado polos concelleiros de Deportes, José Manuel Mougán e de Obras e Servizos, José Luis Losada, a concelleira de Muller e Iguldade, Margarita López, así como polo xerente desta nova empresa monfortina, Borja Díaz Fernández, e o seu equipo.
Dende o Concello, procedeuse á tramitación, o antes posible, dos permisos necesarios para que puidera abrir as súas portas esta nova iniciativa empresarial en Monforte, que contribúe ó densenvolvemento social e económico da cidade.
O Alcalde puxo en valor a apertura deste novo negocio na cidade, un novo concepto de ximnasio, baseado no CrossFit, que é un estilo de vida que se caracteriza por un exercicio seguro e eficaz e unha nutrición sólida. CrossFit pódese utilizar para lograr calquera obxectivo, desde mellorar a saúde ata a perda de peso e un mellor rendemento. O programa funciona para todos: persoas que comezan e persoas que se capacitaron durante anos.
José Tomé desexou éxito ó xerente e ó equipo do Crossfit Rock Life neste novo proxecto a empresarial que emprenden en Monforte.