Monforte de Lemos, 16 de xuño de 2022. O Alcalde de Monforte, José Tomé Roca, informa que veñen de iniciarse os traballos de construción dunha nova estrutura que servirá para dar servizo ó embarcadoiro do río Cabe e que se situará á beira do pantalán do Parque dos Condes.
Trátase dunha caseta construída en madeira, de dimensións 4x3 metros, e conta cun investimento de 5.587,18 euros. Esta nova construción substitúe á anterior caseta, que estaba en mal estado, motivo polo cal dende o Equipo de Goberno se decidiu substituir por unha totalmente nova.
“Trala renovación o pasado ano do pantalán deste embarcadoiro do Parque dos Condes, no que levamos a cabo un investimento de 20.000 euros, e que supuxo a substitución das táboas de madeira e dos flotadores de dito pantalán, agora acometemos a construción dunha nova caseta para dar servizo a esta zona do río, e substituír á anterior que se atopaba en mal estado”.
A súa finalidade será reforzar a actividade que o Concello desenvolve durante os meses de verán en relación cos Paseos en barca polo río Cabe, así coma outras necesidades que poidan xurdir ó longo de todo o ano nesta zona do Parque dos Condes.
Deste xeito, a nova construción servirá como taquilla para a venta de entradas dos paseos en barca, e tamén será utilizada como almacén para gardar os chalecos, remos e outros elementos de seguridade das barcas, así como o material utilizado para a limpeza das mesmas.