Actualidade

Escolas Deportivas Municipais 2018-19

Desde este 3 de setembro e ata o 27 está aberto o prazo para inscribirse nas Escolas Deportivas Municipais.

O oferta deportiva divídese en actividades para nenos entre os 6 e os 15 anos, e actividades para adultos, a partir de 16 anos

Actividades para nenos:

  • Patinaxe
  • Golf
  • Pádel
  • Kung Fu
  • Zumba Kids

Actividades para adultos:

  • Ximnasia de mantemento
  • Tai Chi
  • Ioga
  • Zumba

A actividade de cada unha das modalidades deportivas comezará en outubro de 2018 e prolongarase ata finais do mes de maio de 2019.

Todas as persoas interesadas en inscribirse nalgunha das actividades ofertadas poden facelo presentando o modelo de solicitude establecido no Rexistro do Concello, de xeito presencial ou a través da sede electrónica.

O venres, 28 de setembro, publicarase na páxina web do Concello a lista de admitidos.

Máis información aquí

Premiados GALA DO DEPORTE 2018

--Deportista absoluto masculino: Junior Luciano Martínez Castillo

--Deportista absoluta feminina: Elena Varela de Fátima

--Deportista promesa masculino: Alejandro Fernández Franjo

--Deportista promesa feminina: Carmen Suárez Fernández

--Adestrador/a do ano: José María Vega Sánchez

--Árbitro/a do ano: Gonzalo Gómez Lemos

--Club máis destacado do ano: Club de Montaña e Piragüismo Quixós

--Premio á deportividade: Diego Mantilla Rodríguez

 

O xurado acordou conceder a excelencia deportiva, tendo en conta o historial e os méritos deportivos a:

 

• Manuel Freire Rodríguez 

• Saleta Fernández López

Campamentos de verán

PROGRAMA DEPORTIVO DE VERÁN 2018

O Concello de Monforte pon en marcha o Programa Deportivo de Verán 2018 que este ano contará cun gran número de actividades durante os meses de xullo e agosto. Todas elas están organizadas tanto directamente polo Concello de Monforte, como polos Clubes e Entidades Deportivas que colaboran co Sistema Deportivo Local.
 
Coa posta en marcha deste programa, o Concello ofrece unha alternativa lúdica, deportiva e de lecer para os nenos de Monforte durante as súas vacacións escolares. Son un conxunto de actividades físico deportivas coas que vai ser posible inculcarlles hábitos de vida saudables. Por outra parte, os rapaces poderán desenvolver as súas habilidades sociais e de relación cos demais a través do deporte. Outro dos obxectivos é fomentar valores como a autoestima, tolerancia e a superación, entre outros. A administración municipal tamén pretende contribuír á conciliación da vida laboral e familiar en época de vacacións escolares.
 
As actividades que forman parte do Programa Deportivo de Verán 2018 son:

 
    •    Campamento Deportivo de Verán durante o mes de xullo, distribuído en dúas quincenas.
    •    IV Depor Campus – Monforte, do 23 ó 27 de xullo.
    •    XII Campus de Fútbol Cidade de Monforte – R.C. Celta de Vigo, do 6 ó 10 de agosto.
    •    Torneo de Volei Praia Club Korbis – Club Fluvial, 27, 28 e 29 de xullo
    •    Campus de Volei Praia Club Korbis – Club Fluvial, do 3 de xullo ó 10 de agosto
    •    Campus de Ximnasia Rítmica, do 6 ó 10 de agosto
    •    V Campus de Voleibol Ribeira Sacra Monforte, do 20 ó 24 de agosto
    •    VII Campus de Baloncesto Cidade de Monforte, do 27 ó 31 de agosto
    •    Cursos de tenis durante os meses de xullo e agosto
    •    Actividades dirixidas e cursos de natación na Piscina Climatizada Municipal durante os meses de xullo, agosto e setembro.

Todas as persoas interesadas en recibir información e inscribirse nalgunha das actividades que forman parte da programación de verán, poderano facer a través das Oficinas Municipais de Deportes e Xuventude, sitas nas Casiñas da Compañía, a partir do vindeiro luns 4 de xuño. Para evitar colas á hora de realizar as inscricións, as actividades abrirán o prazo de inscricións de xeito progresivo en función da súa data de celebración.  

Máis información Actividades depotivas

 

Consulta toda a información e a actualidade deportiva de Galicia e da provincia nos enlaces seguintes

 

deporte galego   

 

 

 

 

 

galicia saudable

 

 

 

 

 

 

xogade