Actualidade

A Organización Mundial da Saúde (OMS) decidiu establecer un día para fomentar a responsabilidade das persoas, sobre todo dos mozos, para controlar o consumo de alcol, sendo establecido o 15 de novembro.

Concienciar sobre os danos físicos e psicolóxicos que produce o consumo deste tipo de substancias no noso organismo, un tipo de droga legal e social que parece inofensiva, da que moitas veces descoñécense os seus efectos e que na actualidade é a droga máis consumida en España, é outro dos obxectivos deste día.

Téntase dar visibilidade a esta xornada nun ano caracterizado pola pandemia por Covid-19.

A situación que se está vivindo está a obrigar ás persoas para modificar os seus hábitos e rutinas, o que afecta emocionalmente e pode provocar un aumento de consumo de alcol.

En España, a forma de consumo cambiou nas últimas décadas. Tradicionalmente, no noso país, era un consumo moderado, asociado ás comidas. Na actualidade o panorama é diferente: estendéronse os consumos abusivos de fins de semana, fóra de casa, sen asocialo a comidas; e, ademais, con mesturas de bebidas, e mesmo sumándolle a este consumo o doutras drogas, algo que coas restricións impostas polo Covid-19 aínda se incrementou máis.

A asociación GEARA (GRUPO DE ENFERMOS ALCOHÓLICOS RECUPERADOS ABULENSES) permitiunos utilizar unhas mensaxes que reflicten perfectamente o noso desexo de concienciar á poboación nas consecuencias negativas que pode carrexar o consumo abusivo de alcol.

"Cara á fase 0, pero de alcol"

"O alcol non che crea nin che destrúe, só transfórmache en alguén que nin ti recoñeces"

"Ser responsable nos consumos contribúe a controlar as nosas accións"

"Unha vida sen alcol é unha vida en liberdade. Non deixes que o alcol dirixa a túa vida"

Monforte de Lemos, 12 de novembro de 2020. O Concello de Monforte, a través da Unidade Asistencial de Drogodependencias, organiza unha actividade formativa dirixida á hostalería co gallo do "Día Mundial sen alcohol", que se celebra o vindeiro día 15 de novembro.

O obradoiro, que leva por título "Ti serves, ti decides. Servizo responsable de bebidas alcohólicas" está dirixido a formar ós hostaleiros e hostaleiras no servizo responsable de alcohol. E do mesmo xeito, tamén se promove o "consumo cero" en menores.

Esta formación realízaa persoal de Espirituosos de España en colaboración coa Escola de Hostalería Belarmino Fernández e a U. A. Drogodependencias do Concello de Monforte.

Polas circunstancias actuais este ano levarase a cabo de forma online e está aberto a todos os hostaleiros de Monforte e comarca que desexen asistir.

Para asistir a este obradoiro, que se celebrará o luns 23 de novembro ás 12:00 horas, os interesados deberán enviar un correo electrónico co nome completo da/s persoa/s que desexe/n participar, así como o negocio ou negocios nos que traballan, á dirección jconversa@espirituosos.es. Unha vez rematado o obradoiro, emitirase un certificado de formación para cada asistente, e un a maiores para cada negocio ó que representen. Un día antes da celebración do curso, recibirán un enlace para conectarse directamente ó obradoiro.

O Servicio de Prevención de Drogodependencias edita un novo número do BOLETÍN FAMILIAR (Novembro 2020)

O Boletín Familiar é unha iniciativa do servizo de prevención da Unidade Asistencial de Drogodependencias, adscrita á concellería de Sanidade. Nesta ocasión leva por título:

"Como fomentar un bo uso da tecnoloxía na adolescencia"

A tecnoloxía converteuse nunha gran aliada á hora de comunicarse e de formarse. Temos moi presente o papel que está a xogar durante o COVID-19,  permitíndonos estar máis preto da nosa familia e amizades, traballar desde casa e axudar aos nosos fillos e fillas a seguir os seus estudos. Pero é importante utilizala adecuadamente.

Si tedes interese en consultar o boletín completo podedes facelo a través da páxina do Concello de Monforte. (Área de sanidade, UAD, apartado Boletín familiar) ou na nosa páxina de facebook:

https://www.facebook.com/UnidadAsistencialDrogodependencias/?ref=hl

A partir de agora o noso Boletín   Familiar editarémolo mensualmente.

 Como sempre, estaremos á vosa  disposición na nosa dirección habitual.

Tamén poderedes formular as vosas dúbidas no número de Whats App 604 059 719 ou a través da páxina do Concello, na sección de Sanidade, aí atoparedes un formulario para remitirnos a vosa consulta  neste enlace.

Tamén probablemente o atopedes nas páxinas web dos vosos colexios, pois nós remitímosllos a eles con esa intención.

Na nosa sección de "Documentación" poderán atopar un interesante informe da FAD "DE PORTAS ADENTRO, DE PANTALLAS AFORA. XÓVENES EN CONFINAMENTO" sobre o emprego das tecnoloxías na etapa na que estiveron confinados.

O Servicio de Prevención de Drogodependencias edita un novo número do BOLETÍN FAMILIAR. (Outubro 2020)

O Boletín Familiar é unha iniciativa do servizo de prevención da Unidade Asistencial de Drogodependencias, adscrita á concellería de Sanidade. Nesta ocasión leva por título:

"Como axudar aos teus fillos a estudar online?"

A situación vivida por mor da COVID-19 supuxo un avance na implantación da formación online en todos os niveis da educación. En moitos casos ás alancadas, tanto o profesorado como as familias tivemos que adaptarnos a esta metodoloxía de ensino-aprendizaxe.

Ante o inicio do novo curso, e ante máis incertezas que certezas de como se desenvolverá, é preciso que comecemos a organizarnos para conseguir sacar o máximo partido á formación a distancia. Porque, con pandemia ou sen ela, parece que, en moitos casos, chegou para quedar.

Si tedes interese en consultar o boletín completo podedes facelo a través da páxina do Concello de Monforte. (Área de sanidade, UAD, apartado Boletín familiar) ou na nosa páxina de facebook:

https://www.facebook.com/UnidadAsistencialDrogodependencias/?ref=hl

Tamén probablemente o atopedes nas páxinas web dos vosos colexios, pois nós remitímosllos a eles con esa intención.

A partir de agora o noso Boletín  Familiar editarémolo mensualmente.

Como sempre, estaremos á vosa disposición na nosa dirección habitual.

Tamén poderedes formular as vosas dúbidas no número de Whats App 604 059 719

ou a través da páxina do Concello, na sección de Sanidade, aí atoparedes un formulario para remitirnos a vosa consulta neste enlace.

A Unidade Asistencial de Drogodependencias de Monforte de Lemos ten un novo servizo: “DÚBIDAS? Pregunta e infórmate”, dentro dos seus programas de prevención, co obxectivo de dar resposta á necesidade de información en relación ao consumo de drogas (ou outro tipo de adiccións) existente entre a poboación xuvenil, así como entre colectivos clave na problemática como son familias e educadores/as dos ámbitos tanto formal como non formal.

Trátase dun servizo telemático cuxas preguntas e consultas son atendidas por un equipo de profesionais e persoas expertas na temática de drogas e que garda en todo momento o anonimato e a confidencialidade das persoas que se benefician del.

Para utilizar “DÚBIDAS? Pregunta e infórmate” contamos coas seguintes canles, a través dos cales calquera persoa pode poñerse en contacto co mesmo para a resolución das dúbidas:

• Whats App: 604 059 719
• E-mail: uad@concellodemonforte.com
• Facebook: UNIDADE ASISTENCIAL DE DROGODEPENDENCIAS DE MONFORTE (cunha mensaxe privada)

Esta campaña difundirase por diversas canles, ademais de repartición de cartelería en todos os centros educativos de Monforte de Lemos e comarca.

Aínda que é especialmente dirixida aos adolescentes e xóvenes, aos seus familiares e educadores, calquera persoa pode facer uso deste recurso.

A UAD de Monforte ten novo servizo

Entre as funcións do Concello de Monforte de Lemos atópase a de velar polo benestar tanto de quen viven na cidade como dos seus visitantes. Para a nosa cidade o lecer é unha das claves da súa prosperidade. Facilitar tempos e espazos de esparcimento e que poidan desenvolverse de forma segura e saudable, forma parte deste cometido. 

Os propietarios/as dos establecementos de hostelería, están contribuíndo a que Monforte sexa percibido como unha cidade amable e un bo lugar para gozar do tempo de lecer. Guiados por esta preocupación, a Unidade Asistencial de Drogodependencias de Monforte decidiu elaborar uns carteis lembrando aos clientes o perigo do contaxio se non se toman as medidas adecuadas, así como o recordatorio permanente de non proporcionar alcol a menores, para o que a súa implicación é esencial.

Este programa solicita a súa cooperación na prevención do uso inadecuado do alcol e unha adecuada xestión dos ricos do seu consumo, que sempre son perigosos e máis na situación actual na que nos atopamos.

Para iso, dende o Concello de Monforte e a Unidade Asistencial de Drogodependencias (UAD), ven de poñerse en marcha a campaña: "Para non volver ás fases, non desfases", campaña que ten como obxectivo alertar á sociedade dos riscos de que os adolescentes se excedan ou inicien no consumo de alcol, cos riscos engadidos do repunte de contaxios da Covid-19 que estamos a vivir actualmente.

A campaña advirte do perigo destes «desfases» pois existe un alto risco de que os mozos protagonicen reaccións compensatorias como resposta á tensión e angustia sostida que padeceron nos últimos meses e o perigo inherente de transmitir a Covid-19 nos botellóns. O maior risco é querer recuperar o tempo perdido, celebrando festas alternativas ás que non se tiveron ou que non se van a ter e en celebracións entre amigos como son, por exemplo, os botellóns.

Así mesmo, o recordatorio é para a poboación xeral para lembrar a necesidade de cumprir as normas establecidas para evitar os repuntes da pandemia que aínda estamos a sufrir.

E como desexamos que non sexa Monforte o único concello que coide o benestar dos seus veciños ampliamos tamén a campaña a os establecementos da zona socios da Delegación da Zona Sur da Asociación Provincial de Empresarios de Hostalería de Lugo (APEHL), á que agradecemos a súa colaboración desinteresada que recibimos sempre.

Con este obxectivo , dende a UAD facilitóuselles un cartel informativo recordatorio desta campaña para que o coloquen en lugar visible. Dende aquí queremos agradecerlles a súa imprescindible colaboración a todos os establecimentos hosteleros que participan nesta campaña.

Para máis información:

Unidade Asistencia de Drogodependencias 

Servicio de Prevención

Praza da Estación - 17

27400 – Monforte de Lemos

Tlf. 982 400 495

e-mail: uad@concellodemonforte.com

Séguenos en FACEBOOK

O Servicio de Prevención de Drogodependencias edita un novo número do BOLETÍN FAMILIAR. (Xuño 2020)

O Boletín Familiar é unha iniciativa do servizo de prevención da Unidade Asistencial de Drogodependencias, adscrita á concellería de Sanidade. Nesta ocasión leva por título:

"Emocións e Sentimentos"

Si tedes interés en consultar o boletín completo podedes facelo a través da páxina do Concello de Monforte. (Área de sanidade, UAD, apartado Boletín familiar) ou na nosa páxina de facebook:

https://www.facebook.com/UnidadAsistencialDrogodependencias/?ref=hl

Tamén probablemente o atopedes nas páxinas web dos vosos colexios, pois nós remitímosllos a eles con esa intención.