Monforte de Lemos, 19 de decembro de 2019. Mañá venres día 20 de decembro ás 20:00 horas, celebrarase no Auditorio do Edificio Multiusos de Monforte o tradicional Festival de Nadal do Conservatorio Municipal. O recital está dirixido a todo o público en xeral e a entrada é gratuíta.
Neste festival, ademais das distintas actuacións colectivas de conxunto instrumental, participarán os coros de música e movemento, alumnos e alumnas de preconservatorio, grao elemental e profesional, así como a orquestra do Conservatorio, integrada por seccións de Corda, Vento e Percusión.
No Festival de Nadal interpretaranse obras de autores clásicos coma Haendel, Grieg, Strauss..., e modernos como John Williams ou M. Jackson. Non faltarán, como é costume, as pezas tradicionais de Nadal.
Este ano o festival estará adicado extraordinariamente á memoria de Luis Pérez Nieves, ex-alumno de percusión, que se iniciou e cursou o grao elemental neste centro e que e que nunca esqueceremos.
O acto rematará, como xa é tradición, coa interpretación da tradicional “Marcha Radetzky” de J.Strauss.
Programa_Festival_Nadal_Conservatorio_Monforte_20_12_2019.pdf
